સજા મોકુફ રાખવાની કે માફ કરવાની સતા

(૧) કોઇ વ્યકિતને કોઇ ગુના માટે સજા કરવામાં આવેલ હોય ત્યારે સમુચિત સરકાર કોઇ શરતો વિના સજા પામેલ વ્યકિત સ્વીકારે તેવી કોઇ શરતે કોઇ પણ વખતે તેની સજાનો અમલ મોકુફ રાખી શકશે અથવા તેને થયેલી પુરી સજા કે તેનો ભાગ માફી કરી શકશે

(૨) સજા મોકુફ રાખવા કે માફ કરવા સમુચિત સરકારને અરજી કરવામાં આવે ત્યારે જે કોટૅની સમક્ષ ગુનો સાબિત થયો હોય અથવા જે કોર્ટે ગુના સાબિતીનો હુકમ બહાલ રાખ્યો હોય તેના પ્રમુખ ન્યાયાધીશને તે અરજી મંજુર કરવી જોઇએ કે નામંજુર કરવી જોઇએ તે વિષે તેનો અભિપ્રાય તેના કારણો સાથે જણાવવા અને તે અભિપ્રાય સાથે ઇન્સાફી કાયૅવાહીના રેકડૅની અથવા તેનુ જે કંઇ રેકડૅ વિદામાન હોય તેની પ્રમાણિત નકલ પણ મોકલવા સમુચિત સરકાર ફરમાવી શકશે

(૩) જે શરતે સજા મોકુફ રખાયેલ હોય અથવા માફ થયેલ હોય તે શરત સમુચિત સરકારના અભિપ્રાય પ્રમાણે પાળવામાં આવેલ ન હોય તો તે સરકાર સજાની મોકુફી કે માફી રદ કરી શકશે અને તેમ થતા જેની સાજા મોકુફ રખાયેલ કે માફ થયેલ હોય તે વ્યકિત જો મુકત હોય તો તેને કોઇ પણ પોલીસ અધિકારી વિના વોરંટ પકડી શકશે અને બાકી રહેલા ભાગની સજા ભોગવવા તેને ફરીથી અટકાયતમાં મોકલી શકશે (૪) જે શરતે આ કલમ હેઠળ કોઇ સજા માફ કરવામાં આવે અથવા મોકુફ રાખવામાં આવે તે શરત જેની સજા મોકુફ રાખવામાં આવે અથવા માફ કરવામાં આવે તે વ્યકિતએ પુરી કરવાની હોઇ શકે અથવા તેની ઇચ્છાને આધીન ન હોય એવી હોઇ શકે

(૫) સજાઓ મોકુફ રાખવા વિશે અને જે શરતો એ અરજીઓ રજુ કરવી જોઇએ અને તેના વિશે કાયૅવાહી કરવી જોઇએ તે શરતો વિશે સબંધિત સરકાર સામાન્ય નિયમોથી કે ખાસ હુકમોથી આદેશો આપી શકશે પરંતુ અઢાર વષૅથી વધુ વયના પુરૂષને (દંડની સજા સિવાયની) ફરમાવાયેલી સજાની બાબતમાં હું જા પામેલ વ્યકિત કે તેની વતી અન્ય કોઇ વ્યકિતએ કરેલી અરજી સજા પામેલ વ્યકિત જેલમાં હોય તેમજ નીચે પ્રમાણે સંજોગો હોય તે સિવાયની સ્વીકારવામાં આવશે નહી.

(ક) એવી અરજી સજા પામેલ વ્યકિત કરે ત્યારે તે જેલના ઇન્ચાર્જ અધિકારી મારફત રજુ કરવામાં આવે

અથવા

(ખ) એવી અરજી અન્ય કોઇ વ્યકિત કરે ત્યારે સજા પામેલ વ્યકિત જેલમાં છે એવો તેમા એકરાર કરેલો હોય

(૬) આ અધિનિયમની કે બીજા કોઇ કાયદાની કલમ હેઠળ કોઇ ફોજદારી કોર્ટે ફરમાવેલા અને કોઇ વ્યકિતની સ્વતંત્રના ઉપર અંકુશ મુકતા અથવા તેના ઉપર કે તેની મિલકત ઉપર કોઇ જવાબદારી નાખતા હુકમને પણ ઉપરની પેટા કલમોની જોગવાઇઓ લાગુ પડશે

(૭) આ કલમમાં અને કલમ ૪૩૩માં સમુચિત સરકાર એટલે (ક) સંઘની કારોબારી સતા હેઠળની બાબતને લગતા કોઇ કાયદા વિરૂધ્ધના ગુના માટેના સજા હોય અથવા પેટા કલમ (૬)માં ઉલ્લેખાયેલો હુકમ સદરહુ કાયદા હેઠળ કરવામાં આવ્યો હોય તે પ્રસંગે કેન્દ્ર સરકાર (ખ) બીજા પ્રસંગે જે રાજયમાં ગેનેગારને સજા કરવામાં આવેલ હોય અથવા સદરહુ હુકમ કરવામાં આવ્યો હોય તે રાજયની સરકાર